"Jai Shri Mahankaal" ek aisi divya adhyatmik kruti hai, jo Mahakaleshwar Jyotirling ki param mahima, Ujjain ki divyata, aur Bhagwan Shiv ke rahasyatmak Rudra roop ka bhavnatmak va darshanik chitran prastut karti hai. Lekhak Dr. Ram Vilas Chaurasia...

"Jai Shri Mahankaal" ek aisi divya adhyatmik kruti hai, jo Mahakaleshwar Jyotirling ki param mahima, Ujjain ki divyata, aur Bhagwan Shiv ke rahasyatmak Rudra roop ka bhavnatmak va darshanik chitran prastut karti hai. Lekhak Dr. Ram Vilas Chaurasia ne is pustak ke madhyam se na keval Shiv bhakton ke hriday mein Mahankaal ke prati agadha shraddha ka sanchar kiya hai, balki Ujjain ki bhu-adhyatmik sthiti, Tripur Sanhaar, Kaal Bhairav ki rahasyamayi bhoomika, tatha Chaurasi Mahadevon ki pauranik mahatta ko bhi atyant sahaj aur saargarbhit bhasha mein utara hai.Yeh granth pathak ko yeh anubhuti karata hai ki Mahankaal keval dev nahin, balki kaal ke adhipati hain—unke darshan maatra se hi manushya ke dukh, rog, bhay aur daridrata ka ant hota hai. Shiv ke Trilok swaroop se lekar garbhagrih ke nirakaar Jyotirling darshan tak, aur Nagchandreshwar ke rahasya se lekar Shipra ki punyata tak—yeh pustak Shiv bhakti ki sampoorn teerthyatra ban jaati hai."Jai Shri Mahankaal" keval padhne ki vastu nahin hai, yeh aatma ko jagrat karne wala amrit granth hai, jo shraddha, saadhna aur Shivtatva ki param anubhuti karata hai."Namaste astu Bhagwan Vishweshwaraya Mahadevaya Tryambakaya Tripurantakaya.Trikalaagnikalaya Kaalagnirudraya Neelkanthaya Mrityunjayaya Namah ॥"He Bhagwan Vishweshwar, Mahadev, Tryambak, Tripurantak, Trikaladarshi, Kaalagni swaroop Rudra, Neelkanth aur Mrityunjay—aapko koti-koti naman."Mahankaal keval poojya nahin hain, ve vah shakti hain jo bhakt ke bhagya ko nayi disha dete hain. Ujjain ki mitti mein Shiv ka spandan hai, aur is pustak mein usi spandan ko shabdon ka swaroop diya gaya hai."– Dr. Ram Vilas Chaurasia