প্ৰাপ্তি আৰু অপ্ৰাপ্তিৰ মাজতেই এই জীৱন। চকা এটাই অবিৰাম গতিত ঘূৰ্ণন কৰাৰ দৰে আমাৰ জীৱনো আগুৱাই যায় জীৱনমুখী ৰেল ষ্টেচন এটালৈ। লগত লৈ যায় কিছুমান আশা-প্ৰত্যাশা, সম্পৰ্ক, বিশ্বাস, সততা আৰু অনেক। জীৱনৰ ৰং প্ৰলেপনতো আশাবোৰেই বিচ্ছুৰিত কৰি ফুৰে অনবৰতে...

প্ৰাপ্তি আৰু অপ্ৰাপ্তিৰ মাজতেই এই জীৱন। চকা এটাই অবিৰাম গতিত ঘূৰ্ণন কৰাৰ দৰে আমাৰ জীৱনো আগুৱাই যায় জীৱনমুখী ৰেল ষ্টেচন এটালৈ। লগত লৈ যায় কিছুমান আশা-প্ৰত্যাশা, সম্পৰ্ক, বিশ্বাস, সততা আৰু অনেক। জীৱনৰ ৰং প্ৰলেপনতো আশাবোৰেই বিচ্ছুৰিত কৰি ফুৰে অনবৰতে। সেয়েহে আমি সকলোৱে মনত আশা পুহি ৰাখিব লাগে। আশাই মানুহক সপোন পোৰাবলৈ দুগুণে স্পৃহা বৃদ্ধি কৰে। কিন্তু কেতিয়াবা আকৌ আশাই মানুহক নিৰাশাও কৰে। ই এক স্বাভাৱিক কথা। নিউটনৰ তৃতীয় গতি সূত্ৰৰ দৰে আমাৰ জীৱনতো প্ৰত্যেকতো মূহুৰ্তত প্ৰভাৱ বিস্তাৰ কৰি থাকে । "If life were predictable it would cease to be life, and be without flavor." অৰ্থাৎ যদি জীৱনটো ভৱিষ্যতবাণীযোগ্য হ’লহেঁতেন তেন্তে ই জীৱন হোৱাটো বন্ধ হৈ গ’লহেঁতেন, আৰু সোৱাদহীন হৈ পৰিলহেঁতেন। সেয়েহে আমি অতীতক সুঁৱৰি বৰ্তমানক আদৰি লৈ আগুৱাই যোৱাৰ উচিত। আৰু এই যে, বিশ্বাস আৰু সততাৰ পৃথিৱীখন বৰ বিশাল আৰু উচ্চ। হয়তো সেই কাৰণেই পৃথিৱীখন আজিও সুকলমে পৰিচালিত হৈ আছে। জিনমি চৌধুৰীয়ে সংগীতত কোৱাৰ দৰে "বিদেশত আপোন মানুহ"। সু-সমন্ধৰো আছে তেজৰ গুণ, হালধীয়া কণিকা নতুবা ৰাঙলী কণিকাবোৰৰ মাজত; বিশ্বাস আৰু সততাৰ পৃথিৱীখন দেখোন বৰ বিশাল, আৰু এই যে সহায়ৰ প্ৰতিদান ভবা কথাবোৰতকৈও বৰ উচ্চ! বেয়া নোপোৱা যদি কথা এটা ক'লো হেতেন! ৰঙীন চহৰৰ খালী ঠাইবোৰত নিভাঁজ সেউজীয়াবোৰহে বেছি শুৱনি । সদৌশেষত ২০২০ চনৰ ৫ নৱেম্বৰৰ পৰা প্ৰকাশিত ৰামধেনু অসম আলোচনীয়ে আজি ২০২৩ বৰ্ষত ভৰি দিলে। এয়া কেৱল সম্ভৱ হৈছে আপোলোকৰ মৰম আৰু আশীৰ্বাদৰ বাবে। আশা কৰোঁ অনাগত দিনতো আপোনালোকৰ সহায় সহযোগিতা পাম। লগতে ৰামধেনু অসম আলোচনীৰ সমূহ কৰ্ম কৰ্তালৈ মোৰ ফালৰ পৰা কৃতজ্ঞতা জ্ঞাপন কৰিলোঁ। ৰাজীৱ পাতৰ মুখ্য সম্পাদক (ৰামধেনু অসম ই-আলোচনী)